Maxfiylik siyosati
Yangilangan sana:
Bu hujjat Osonku ilovasi qaysi ma'lumotlaringizni yig'ishini, nima uchun ishlatishini, qayerda saqlashini va ularni qanday o'chirishingiz mumkinligini tushuntiradi. Ilovadan foydalansangiz, shu shartlarga rozilik bergan bo'lasiz.
1. Qanday ma'lumot yig'iladi
Profil: ism, tug'ilgan yil, jins, bo'y, boshlang'ich vazn, faollik darajasi, maqsadlar va ixtiyoriy ravishda yozgan sababingiz.
Kundalik: ovqat yozuvlari va kaloriyasi, suv, qadam, vazn va bel o'lchovlari, kayfiyat so'rovi javoblari, SOS seanslari, missiya javoblari, jarimalar va murabbiy bilan yozishmalar.
Hisob: Google orqali kirsangiz, pochta manzilingiz va Google hisobingiz identifikatori. Google'siz foydalansangiz, ilova sizga nomsiz identifikator beradi.
Oila rejasi: siz taklif qilgan a'zolarning ismi va pochtasi. A'zo qo'shilgach, o'z yoshi, jinsi, vazni va bo'yini o'zi kiritadi.
Qurilmalar: ruxsat bersangiz, Health Connect yoki Apple Health'dan qadam, vazn va yog' foizi, aqlli tarozidan vazn.
To'lov: buyurtma raqami, tarif, summa va holati. Karta ma'lumotlari Click tizimida kiritiladi, Osonku ularni ko'rmaydi va saqlamaydi.
2. Ma'lumot nima uchun kerak
Shaxsiy kaloriya va ovqatlanish rejasini hisoblash, kundalik, statistika va eslatmalarni ko'rsatish.
Murabbiy javoblari, ovqat rasmi tahlili, haftalik hisobot va xarid ro'yxatini tuzish.
Osonku Pro obunasini, sinov muddatini va kunlik limitlarni yuritish.
Ma'lumotlaringizni boshqa telefonda tiklash.
Ma'lumotlar reklama uchun ishlatilmaydi va sotilmaydi.
3. Qayerda saqlanadi
Ma'lumotlar avval telefoningizda saqlanadi. Internet bo'lsa, ular Supabase bulut xizmatiga (server Yaponiyada, Tokio hududida) nusxalanadi.
Bulutdagi har bir yozuv faqat sizning hisobingizga bog'langan, boshqa odam uni ko'ra olmaydi.
4. Kimga uzatiladi
Google Gemini: murojaatingiz bo'yicha murabbiy savollari, ovqat rasmlari va sog'liq haqidagi xabarlar javob tayyorlash uchun yuboriladi. Osonku rasmlarni saqlamaydi.
ElevenLabs: ovoz bilan kiritganda yozuv matnga aylantirish uchun yuboriladi va Osonku'da saqlanmaydi.
Click: to'lov uchun buyurtma summasi va raqami.
Supabase: oila a'zosiga taklif xati shu xizmat orqali yuboriladi.
Google Health Connect va Apple Health: siz ruxsat bergan qadam va vazn ma'lumotlari.
Korzinka narxlari ochiq katalogdan olinadi, bunda shaxsiy ma'lumot uzatilmaydi.
Qonun talab qilgan hollardan tashqari ma'lumotlar boshqa uchinchi shaxslarga berilmaydi.
5. Ruxsatlar
Bildirishnomalar: suv, ovqat va vazn eslatmalari uchun. Eslatmalar telefonning o'zida yaratiladi.
Mikrofon: ovqatni aytib yozish va murabbiyga ovozli savol uchun. Faqat siz yozish tugmasini bosganingizda ishlaydi.
Kamera: ovqat rasmini tahlil qilish uchun.
Yaqin qurilmalar (Bluetooth): aqlli tarozidan vazn olish uchun. Joylashuvingiz aniqlanmaydi.
Har bir ruxsatni telefon sozlamalaridan istalgan vaqt o'chirsa bo'ladi.
6. Huquqlaringiz
Ko'rish va ko'chirib olish: Profil → Maxfiylik → "Ma'lumotlarni eksport qilish" barcha yozuvlaringizni JSON ko'rinishida beradi.
O'zgartirish: profil ma'lumotlari va yozuvlarni ilovaning o'zida tahrirlasa bo'ladi.
O'chirish: Profil → Maxfiylik → "Barcha ma'lumotlarni o'chirish" profil, kundalik va yozishmalarni telefondan ham, buluddan ham o'chiradi. Buni qaytarib bo'lmaydi.
To'lov yozuvlari va kunlik limit hisoblagichlari hisob-kitob uchun saqlanib qoladi. Hisobni butunlay o'chirish uchun murojaat qiling.
7. Saqlash muddati
Ma'lumotlar siz o'chirmaguningizcha saqlanadi. "Chiqish" bosilsa, ular telefondan o'chadi, bulutdagi nusxa esa qayta kirganingizda tiklanishi uchun qoladi.
8. Bolalar
Osonku kattalar uchun mo'ljallangan. 18 yoshgacha bo'lganlar ota-ona yoki vasiy roziligi bilan foydalanadi.
9. Tibbiy ogohlantirish
Osonku tibbiy maslahat o'rnini bosmaydi, tashxis qo'ymaydi va dori tavsiya qilmaydi. Sog'lig'ingiz bezovta qilsa, shifokorga ko'rining.
10. O'zgarishlar
Siyosat o'zgarsa, yangi matn shu sahifada e'lon qilinadi va yuqoridagi sana yangilanadi.